A Cerna da Lingua

Marmuradoras Trad/Habelas Hainas “ CARBALLEIRA ESCURA, ANDA NENA VIVE LIBRE RITE DE QUEN TE MARMURA” Ligazón YouTube: Marmuradoras Por esa que mal me quer e da que min marmurou vou botar unha cantiga xa ves o que me amolou O río cando vai cheo leva carballos e follas tamén podía levare as linguas marmuradoras Coas linguas marmuradoras non sei o que hei de facere darlles plomo derritido e solimán a bebere Marmura, marmuradora marmura sempre ruín, eu sempre fun marmurada de quen é menos ca min

H abelencia H úmida H isteria H orizonte. Compostela. Catro mulleres. H alo, H armonía H umana. H erdanza, H istoria viva. H iperactiva! H do silenzo, muda a muller que soa. H omenaxe. H ematomas. Camiños onde non medra a H erba. H ábitat de H ormonas H ilarantes. H idrosfera musical. H oxe. H ipnose sonora con… Habelas Hainas é un grupo compostelán que se formou en 2010 cando as catro mulleres que o compoñen, Sandra Tamayo , Patri Gamallo , Arantza Alfaia , Jara Ortiz , cada unha cunha longa historia no mundo da música tradicional, cruzaron os seus camiños. Forman un crebacabezas onde os catro estilos se complementan persoalmente. O seu punto de partida é a música instrumental da raíz da que utilizan recursos dos instrumentos tradicionais para crear un son enerxético, fresco e orixinal. A súa música ten raíz galega con trazos feministas e sociais. ¿Tiñan claro levar a cabo esa loita feminina a través da música? « Sáenos de xeito natural. É fácil porque as catro temos...

Alba María naceu en 1995 nas Palmas de Gran Canaria onde pasou os primeiros anos da súa infancia. A música canaria influíulle moito na súa carreira musical mais sería a súa avoa de Tuiriz (Lugo) a que a animou ao canto. Estudou música no CMUS de Vigo e participou en diversos certames de poesía e improvisación, sendo unha destacada poeta e regueifeira. En 2013 comeza os seus estudos de canto na Escola Libre da Música Popular Galega, da Central Folque, e en 2014 preséntase e gaña o I Certame de Canción de Autor organizado polo Concello de Teo. A partir desto a súa vida artística mudou drasticamente xa que o premio consistía na gravación dun disco e edición deste polo propia Central Folque . De aquí xorde “Aínda”, un disco que contou cos arranxos dos artistas cubanos afincados en Galiza, Alejandro Vargas e José Manuel Díaz. Tamén contou coa colaboración Pedro Pascual (Marful), Felipe Villar, Óscar Fernández (Os Cempés), Carlos Freire, Gutier Álvarez… Este disco tivo unha gran aco...